«Yuventus» bosh murabbiyi Luchano Spalletti A Seriyaning 36-turi doirasida «Lechche» ustidan qozonilgan g‘alabadan (1:0) so‘ng o‘z fikrlari bilan o‘rtoqlashdi. Mutaxassis jamoasining o‘yinidagi barqarorlik yetishmayotganidan noroziligini yashirmadi.

«Biz anchadan beri bir xil xatolarni takrorlayotganimiz haqida gapirib kelyapmiz: o‘yin boshida gol uramiz va keyin oxirigacha faol o‘ynamaymiz. Maydonda ustunlik qilamiz, vaziyatni to‘liq nazorat qilayotgandek tuyulamiz, ammo keyin diqqatni yo‘qotib, darajamizga mos bo‘lmagan xato uzatmalarni amalga oshiramiz. O‘yin davomida qat’iyat va shijoatni saqlab qola olmayapmiz. Xato qilganimiz zahoti qo‘rquv va hayajon ustunlik qilib, o‘yin sur’ati o‘zgarib ketmoqda», — deydi Spalletti Football Italia nashriga.

Shuningdek, murabbiy jamoadagi transfer mish-mishlariga ham to‘xtalib o‘tdi: «OAVda tarkibdagi 25 nafar futbolchidan 18 tasini almashtirishimiz haqida yozishmoqda, lekin buning iloji yo‘q. Bu jiddiy loyiha, demak, hozirgi futbolchilarning ko‘pchiligi jarayonga jalb qilinishi kerak. Bir yo‘la shuncha odamni almashtirish juda murakkab vazifa».