«Barselona» vingeri Rafinya Dias jarohatidan qutilib, safga qaytganidan so‘ng o‘z holati va yosh jamoadoshi Lamin Yamal haqida gapirib o‘tdi.
Mart oyidan buyon ilk bor maydonga tushishga tayyorlanayotgan braziliyalik futbolchi Lamin Yamal jarohat olib, mavsumni yakunlagani sababli o‘ng qanot hujumida harakat qilishi kutilmoqda.
«Agar o‘ng qanotda o‘ynasam, mendan qandaydir g‘ayritabiiy harakatlarni kutmang, chunki men Yamal emasman. Lamin — haqiqiy yulduz, uning maydonda qilayotgan ishlari shunchaki aql bovar qilmas darajada. O‘zimga kelsak, hali 100 foiz sport formamda emasman. Umid qilamanki, tez orada optimal holatimga qaytaman», — deya Rafinyaning so‘zlarini keltirmoqda Movistar.
