«Барселона» вингери Рафинья Диас жароҳатидан қутилиб, сафга қайтганидан сўнг ўз ҳолати ва ёш жамоадоши Ламин Ямал ҳақида гапириб ўтди.
Март ойидан буён илк бор майдонга тушишга тайёрланаётган бразилиялик футболчи Ламин Ямал жароҳат олиб, мавсумни якунлагани сабабли ўнг қанот ҳужумида ҳаракат қилиши кутилмоқда.
«Агар ўнг қанотда ўйнасам, мендан қандайдир ғайритабиий ҳаракатларни кутманг, чунки мен Ямал эмасман. Ламин — ҳақиқий юлдуз, унинг майдонда қилаётган ишлари шунчаки ақл бовар қилмас даражада. Ўзимга келсак, ҳали 100 фоиз спорт формамда эмасман. Умид қиламанки, тез орада оптимал ҳолатимга қайтаман», — дея Рафиньянинг сўзларини келтирмоқда Movistar.
