«Brayton» klubi markaziy himoyachisi Yan-Paul van Xekke joriy mavsum yakunlanganidan so‘ng jamoasini o‘zgartirishi mumkin.

TEAMtalk nashri bergan xabarga ko‘ra, 25 yoshli niderlandiyalik futbolchiga Londonning «Tottenxem» klubi jiddiy qiziqish bildirmoqda. Mish-mishlarga ko‘ra, «shporlar»ning yangi bosh murabbiyi Roberto De Dzerbi himoyachini o‘z jamoasida ko‘rishni shaxsan istamoqda.

Shuningdek, van Xekkening transferi bo‘yicha «Chelsi» va «Liverpul» klublari ham vaziyatni kuzatib borayotgani aytilmoqda.

Ma’lumot uchun, himoyachi joriy mavsumda barcha turnirlar doirasida 38 ta o‘yinda maydonga tushib, 3 ta gol va 3 ta golli uzatmaga mualliflik qildi. Transfermarkt portali futbolchining narxini 35 million yevroga baholagan.