"Manchester Siti" yarim himoyachisi Tijani Reynders faoliyatini boshqa jamoada davom ettirishi mumkin.

Fichajes nashrining ma’lumotlariga ko‘ra, niderlandiyalik xavbekka "Aston Villa" klubi jiddiy qiziqish bildirmoqda. "Sherlar" "shaharliklar" futbolchisining transferi uchun 70 million yevro to‘lashga tayyor.

Tijani Reynders 2025 yilda "Milan" klubidan 54 million yevro evaziga "Manchester Siti"ga o‘tgan edi. Uning amaldagi shartnomasi 2030 yilning 30 iyuniga qadar mo‘ljallangan.

Joriy mavsumda 27 yoshli niderlandiyalik futbolchi "shaharliklar" tarkibida barcha musobaqalarda jami 46 ta o‘yinda maydonga tushdi. U o‘z hisobiga 7 ta gol va 8 ta golli uzatmani yozdirib qo‘yishga muvaffaq bo‘lgan.

Ma’lumot uchun, Transfermarkt portali Reyndersning bozor qiymatini 60 million yevroga baholamoqda.