"Манчестер Сити" ярим ҳимоячиси Тижани Рейндерс фаолиятини бошқа жамоада давом эттириши мумкин.
Fichajes нашрининг маълумотларига кўра, нидерландиялик хавбекка "Астон Вилла" клуби жиддий қизиқиш билдирмоқда. "Шерлар" "шаҳарликлар" футболчисининг трансфери учун 70 миллион евро тўлашга тайёр.
Тижани Рейндерс 2025 йилда "Милан" клубидан 54 миллион евро эвазига "Манчестер Сити"га ўтган эди. Унинг амалдаги шартномаси 2030 йилнинг 30 июнига қадар мўлжалланган.
Жорий мавсумда 27 ёшли нидерландиялик футболчи "шаҳарликлар" таркибида барча мусобақаларда жами 46 та ўйинда майдонга тушди. У ўз ҳисобига 7 та гол ва 8 та голли узатмани ёздириб қўйишга муваффақ бўлган.
Маълумот учун, Transfermarkt портали Рейндерснинг бозор қийматини 60 миллион еврога баҳоламоқда.
