«Manchester Siti» himoyachisi Jon Stouns va yarim himoyachi Bernardu Silva jamoadoshlari bilan xayrlashish maqsadida maxsus kecha tashkil etdi.

Har ikki futbolchining klub bilan amaldagi shartnomasi yakuniga yetmoqda va ular yozda erkin agent sifatida jamoani tark etadi. Shu munosabat bilan tashkil etilgan xayrlashuv ziyofatiga «shaharliklar»ning barcha futbolchilari va ularning oila a’zolari taklif qilindi.

Tadbir tafsilotlari futbolchilarning ijtimoiy tarmoqlardagi sahifalari orqali ma’lum bo‘ldi.

Mehmonlarga taqdim etilgan salfetkalarda «Bernardu va Jon — «manguga ko‘klar» (Bernardo & John — forever Blues) deb yozilgan.

Shuningdek, kechada klub ramziga mos ravishda bezatilgan kokteyllar ulashilgan. Xususan, ichimliklar menyusidan «Chempionlik martinisi» va «Bernardu» nomli ichimliklar joy olgan.