«Manchester Yunayted», «Arsenal» va «Liverpul» klublari «Yuventus» himoyachisi Andrea Kambyasoni o‘z safiga qo‘shib olishga qiziqish bildirmoqda. Bu haqda TEAMtalk xabar bermoqda.

Manbaning bergan ma’lumotlariga ko‘ra, 26 yoshli italiyalik futbolchi yaqinlashib kelayotgan transfer oynasida jamoasini o‘zgartirishga tayyor. Ayni damda «Manchester Yunayted» chap qanot himoyachisi qidirish ishlarini faollashtirgan. Avvalroq ushbu futbolchi «Manchester Siti»ning ham qiziqishlari doirasida bo‘lgan edi.

«Yuventus» o‘z futbolchisini 60 million yevrodan kamiga qo‘yib yubormoqchi emas.

Kambyaso 2022 yilning iyul oyidan beri «Yuventus» sharafini himoya qilib kelmoqda. Uning turinliklar bilan shartnomasi 2029 yilning 30 iyuniga qadar mo‘ljallangan.

2025/26 yilgi mavsumda himoyachi 45 ta o‘yinda maydonga tushib, o‘z hisobiga 3 ta gol va 5 ta golli uzatmani yozdirib qo‘ydi.

Transfermarkt portali futbolchining transfer qiymatini 30 million yevroga baholamoqda.