«Манчестер Юнайтед», «Арсенал» ва «Ливерпуль» клублари «Ювентус» ҳимоячиси Андреа Камбьясони ўз сафига қўшиб олишга қизиқиш билдирмоқда. Бу ҳақда TEAMtalk хабар бермоқда.

Манбанинг берган маълумотларига кўра, 26 ёшли италиялик футболчи яқинлашиб келаётган трансфер ойнасида жамоасини ўзгартиришга тайёр. Айни дамда «Манчестер Юнайтед» чап қанот ҳимоячиси қидириш ишларини фаоллаштирган. Аввалроқ ушбу футболчи «Манчестер Сити»нинг ҳам қизиқишлари доирасида бўлган эди.

«Ювентус» ўз футболчисини 60 миллион евродан камига қўйиб юбормоқчи эмас.

Камбьясо 2022 йилнинг июль ойидан бери «Ювентус» шарафини ҳимоя қилиб келмоқда. Унинг туринликлар билан шартномаси 2029 йилнинг 30 июнига қадар мўлжалланган.

2025/26 йилги мавсумда ҳимоячи 45 та ўйинда майдонга тушиб, ўз ҳисобига 3 та гол ва 5 та голли узатмани ёздириб қўйди.

Transfermarkt портали футболчининг трансфер қийматини 30 миллион еврога баҳоламоқда.