«Liverpul» klubining sobiq himoyachisi Jeymi Karrager jamoa bosh murabbiyi Arne Slot atrofidagi vaziyat borasida o‘z xavotirlarini bildirdi.

Hozirda mersisaydliklar APL turnir jadvalida to‘rtinchi o‘rinni egallab turishibdi.

«Meni «Liverpul» va Arne Slot bilan bog‘liq vaziyat xavotirga solmoqda. Erik ten Xag bilan bog‘liq voqea takrorlanmaydimi? U birinchi mavsumni a’lo darajada o‘tkazdi, ikkinchisini juda yomon, lekin dastlabki natijalari evaziga o‘z ishini saqlab qoldi.

Keyin esa oktyabr yoki noyabr oylariga kelib hamma narsa ostin-ustun bo‘lib ketdi va baribir murabbiyni almashtirishga to‘g‘ri keldi.

Bu «Liverpul» muxlislarining qo‘rquvi, ammo biz eshitayotgan xabarlarga ko‘ra, Arne Slotga keyingi mavsumda yana bir imkoniyat beriladi.

Ko‘pchilik muxlislar Xabi Alonso klubga kelishga tayyorligiga ishonishgandi. Ammo ko‘rinishidan, klub Slot borasida bir qarorga kelib bo‘lgan. Xabi Alonsoning «Chelsi» bilan muzokaralar olib borayotgani ko‘p narsadan dalolat beradi. Agar unda «Liverpul»da murabbiy almashishi mumkinligi haqida biror-bir ichki sezish bo‘lganida, u o‘sha yerga o‘tgan bo‘lardi», — dedi Jeymi Karrager.