So‘nggi haftalarda Joze Mourinyoning Madridning «Real» klubiga qaytishi haqidagi xabarlar yanada avj oldi. Taniqli insayder Fabrisio Romanoning ijtimoiy tarmoqlarda ma’lum qilishicha, tomonlar o‘rtasidagi muzokaralar muvaffaqiyatli davom etmoqda va yakuniy pallasiga kirgan.

Shunga qaramay, portugaliyalik mutaxassisning tayinlovi «Real»da bo‘lib o‘tadigan prezidentlik saylovlaridan so‘ng amalga oshishi kutilmoqda.

Eslatib o‘tamiz, avvalroq Florentino Peres maxsus matbuot anjumani o‘tkazib, bir qator shov-shuvli bayonotlar bergan hamda klubda navbatdan tashqari prezidentlik saylovlari o‘tkazilishini e’lon qilgan edi. Mourinyoning qaytishi aynan ushbu siyosiy jarayonlar yakuniga bog‘liq bo‘lib turibdi.

Madrid jamoasi navbatdagi uchrashuvini 14 may, payshanba kuni La Liga doirasida o‘z maydonida «Real Ovyedo»ga qarshi o‘tkazadi.