Сўнгги ҳафталарда Жозе Моуриньонинг Мадриднинг «Реал» клубига қайтиши ҳақидаги хабарлар янада авж олди. Таниқли инсайдер Фабрицио Романонинг ижтимоий тармоқларда маълум қилишича, томонлар ўртасидаги музокаралар муваффақиятли давом этмоқда ва якуний палласига кирган.
Шунга қарамай, португалиялик мутахассиснинг тайинлови «Реал»да бўлиб ўтадиган президентлик сайловларидан сўнг амалга ошиши кутилмоқда.
Эслатиб ўтамиз, аввалроқ Флорентино Перес махсус матбуот анжумани ўтказиб, бир қатор шов-шувли баёнотлар берган ҳамда клубда навбатдан ташқари президентлик сайловлари ўтказилишини эълон қилган эди. Моуриньонинг қайтиши айнан ушбу сиёсий жараёнлар якунига боғлиқ бўлиб турибди.
Мадрид жамоаси навбатдаги учрашувини 14 май, пайшанба куни Ла Лига доирасида ўз майдонида «Реал Овьедо»га қарши ўтказади.
