Milanning «Inter» klubi sardori, argentinalik hujumchi Lautaro Martines Italiya Kubogi finalidagi g‘alabadan so‘ng o‘z fikrlari bilan o‘rtoqlashdi.

Turnirning hal qiluvchi bahsida mamlakat chempioni birinchi bo‘limning o‘zidayoq raqib darvozasiga ikkita gol urib, ustunlikni o‘z qo‘liga oldi va o‘yinni g‘alaba bilan yakunladi.

«Oltin dubl (ham chempionat, ham kubokda zafar quchish) — bu juda muhim, ayniqsa, unchalik omadli chiqmagan o‘tgan mavsumdan keyin. Biz natijalar va o‘yin shiddati bobida juda yaxshi mavsumni o‘tkazdik, vaholanki oldinda yana ikkita uchrashuv bor. Kuboklar biz uchun hamisha juda qadrli», — deya Lautaroning so‘zlarini keltiradi fcinter1908.it nashri.

Eslatib o‘tamiz, Lautaro Martines 2018 yildan buyon Milan klubi sharafini himoya qilib kelmoqda.