Миланнинг «Интер» клуби сардори, аргентиналик ҳужумчи Лаутаро Мартинес Италия Кубоги финалидаги ғалабадан сўнг ўз фикрлари билан ўртоқлашди.
Турнирнинг ҳал қилувчи баҳсида мамлакат чемпиони биринчи бўлимнинг ўзидаёқ рақиб дарвозасига иккита гол уриб, устунликни ўз қўлига олди ва ўйинни ғалаба билан якунлади.
«Олтин дубль (ҳам чемпионат, ҳам кубокда зафар қучиш) — бу жуда муҳим, айниқса, унчалик омадли чиқмаган ўтган мавсумдан кейин. Биз натижалар ва ўйин шиддати бобида жуда яхши мавсумни ўтказдик, ваҳоланки олдинда яна иккита учрашув бор. Кубоклар биз учун ҳамиша жуда қадрли», — дея Лаутаронинг сўзларини келтиради fcinter1908.it нашри.
Эслатиб ўтамиз, Лаутаро Мартинес 2018 йилдан буён Милан клуби шарафини ҳимоя қилиб келмоқда.
