«Liverpul» bosh murabbiyi Arne Slot darvozabon Alissonning shu yozda ingliz klubini tark etishi mumkinligi haqidagi xabarlarga izoh berdi.

«Alissonning ketishi haqidagi mish-mishlar? Zerikarli, o‘sha eski javob. Men ham siz o‘qigan narsalarni o‘qiyapman, lekin bu haqda bu yerda gapirmayman. Siz xohlagancha va turli usullarda so‘rashingiz mumkin, ammo bizning muxlislarimiz Alissonni qo‘llab-quvvatlashlari kerak, bu uning klubdagi birinchi yoki oxirgi mavsumi bo‘lishidan qat’i nazar», — deya Slotning so‘zlarini keltiradi Touchline.

Alisson 2018 yilda «Roma»dan «Liverpul»ga 72 million yevro evaziga o‘tgan edi. Uning shartnomasi 2027 yilning 30 iyunigacha mo‘ljallangan. Joriy mavsumda braziliyalik posbon «qizillar» safida barcha turnirlarda 34 ta o‘yin o‘tkazib, 36 ta gol o‘tkazib yubordi va 13 ta uchrashuvda o‘z darvozasi daxlsizligini saqlab qoldi.