«Ливерпуль» бош мураббийи Арне Слот дарвозабон Алиссоннинг шу ёзда инглиз клубини тарк этиши мумкинлиги ҳақидаги хабарларга изоҳ берди.

«Алиссоннинг кетиши ҳақидаги миш-мишлар? Зерикарли, ўша эски жавоб. Мен ҳам сиз ўқиган нарсаларни ўқияпман, лекин бу ҳақда бу ерда гапирмайман. Сиз хоҳлаганча ва турли усулларда сўрашингиз мумкин, аммо бизнинг мухлисларимиз Алиссонни қўллаб-қувватлашлари керак, бу унинг клубдаги биринчи ёки охирги мавсуми бўлишидан қатъи назар», — дея Слотнинг сўзларини келтиради Touchline.

Алиссон 2018 йилда «Рома»дан «Ливерпуль»га 72 миллион евро эвазига ўтган эди. Унинг шартномаси 2027 йилнинг 30 июнигача мўлжалланган. Жорий мавсумда бразилиялик посбон «қизиллар» сафида барча турнирларда 34 та ўйин ўтказиб, 36 та гол ўтказиб юборди ва 13 та учрашувда ўз дарвозаси дахлсизлигини сақлаб қолди.