Rafael Nadal Florentino Peresni madridliklar tarixidagi eng kuchli prezident deb atadi.

Payshanba kuni «Real» prezidentlik va direktorlar kengashi uchun muddatidan oldin saylovlar o‘tkazilishini e’lon qildi. Avvalroq Nadal prezidentlikka nomzodini qo‘ymoqchi bo‘lgan Enrike Rikelme bilan aloqasi borligi haqidagi xabarlarni inkor etgan edi.

«Florentino — Santyago Bernabeu bilan bir qatorda «Real» tarixidagi eng yaxshi prezident. Qachon biror narsa so‘rasak, klub bizga doim yuqori darajada munosabatda bo‘lgan.

Vaziyat jiddiy muammoga aylanib ketmasligi uchun bayonot berdim. Futbol maqolalar va muhokamalar uchun ko‘p mavzu beradi. Menga aloqasi bo‘lmagan narsalarda ismim tilga olinishini istamadim.

Bundan ikki yil oldin u «Real» tarixidagi eng yaxshi prezident edi — endi kelib birdan «falokat»ga aylanib qolishi mumkin emas. Bu yil nimadir noto‘g‘ri ketdi — qaror qabul qilishdagi xatolarni tan olish va keyingi qadamlar ustida ishlash foydalidir», — dedi Nadal.