Рафаэль Надаль Флорентино Пересни мадридликлар тарихидаги энг кучли президент деб атади.

Пайшанба куни «Реал» президентлик ва директорлар кенгаши учун муддатидан олдин сайловлар ўтказилишини эълон қилди. Аввалроқ Надаль президентликка номзодини қўймоқчи бўлган Энрике Рикельме билан алоқаси борлиги ҳақидаги хабарларни инкор этган эди.

«Флорентино — Сантьяго Бернабеу билан бир қаторда «Реал» тарихидаги энг яхши президент. Қачон бирор нарса сўрасак, клуб бизга доим юқори даражада муносабатда бўлган.

Вазият жиддий муаммога айланиб кетмаслиги учун баёнот бердим. Футбол мақолалар ва муҳокамалар учун кўп мавзу беради. Менга алоқаси бўлмаган нарсаларда исмим тилга олинишини истамадим.

Бундан икки йил олдин у «Реал» тарихидаги энг яхши президент эди — энди келиб бирдан «фалокат»га айланиб қолиши мумкин эмас. Бу йил нимадир нотўғри кетди — қарор қабул қилишдаги хатоларни тан олиш ва кейинги қадамлар устида ишлаш фойдалидир», — деди Надаль.