Italiyalik mutaxassis Karlo Anchelotti Braziliya milliy terma jamoasi bilan tuzilgan shartnomasini 2030 yilgi jahon chempionatiga qadar uzaytirdi. Bu haqda Braziliya futbol konfederasiyasi (CBF) rasmiy sayti xabar berdi.
«Anchelottining jahon futboli tarixidagi eng muvaffaqiyatli terma jamoa — Braziliya milliy jamoasi bosh murabbiyi sifatidagi faoliyatini davom ettirishi nafaqat CBF tomonidan uning ishiga bildirilgan qo‘llab-quvvatlash, balki 2025 yil may oyi oxirida kelganidan buyon jamoa va braziliyalik muxlislar ishonchini qozonganining ham ifodasidir», — deyiladi CBF bayonotida.
66 yoshli mutaxassis qo‘l ostida Braziliya terma jamoasi 10 ta uchrashuv o‘tkazib, ularning beshtasida g‘alaba qozongan, ikki marta durang o‘ynagan va uchta bahsda mag‘lubiyatga uchragan.













