Италиялик мутахассис Карло Анчелотти Бразилия миллий терма жамоаси билан тузилган шартномасини 2030 йилги жаҳон чемпионатига қадар узайтирди. Бу ҳақда Бразилия футбол конфедерацияси (CBF) расмий сайти хабар берди.
«Анчелоттининг жаҳон футболи тарихидаги энг муваффақиятли терма жамоа — Бразилия миллий жамоаси бош мураббийи сифатидаги фаолиятини давом эттириши нафақат CBF томонидан унинг ишига билдирилган қўллаб-қувватлаш, балки 2025 йил май ойи охирида келганидан буён жамоа ва бразилиялик мухлислар ишончини қозонганининг ҳам ифодасидир», — дейилади CBF баёнотида.
66 ёшли мутахассис қўл остида Бразилия терма жамоаси 10 та учрашув ўтказиб, уларнинг бештасида ғалаба қозонган, икки марта дуранг ўйнаган ва учта баҳсда мағлубиятга учраган.
