"Barselona" markaziy himoyachisi Andreas Kristensen jamoadan ketishni istamayapti.

30 yoshli futbolchi "ko‘k-anorranglilar"ning muddati tugab borayotgan shartnomani uzaytirish bo‘yicha birinchi taklifini rad etgan edi, biroq hozirda yangi muzokaralar olib borilmoqda — tomonlar 2028 yilgacha mo‘ljallangan kelishuvni muhokama qilishyapti.

Mundo Deportivo nashri bergan ma’lumotlarga ko‘ra, boshqa klublar daniyalik futbolchiga moliyaviy jihatdan ancha manfaatliroq shartlar taklif qilishmoqda, lekin o‘yinchining ustuvor maqsadi o‘zgarmagan — u qolishni afzal ko‘radi.

Andreas Kristensen jarohatlar tufayli mavsumning katta qismini o‘tkazib yubordi. Tajribali himoyachi joriy mavsumda 17 ta o‘yinda maydonga tushib, bitta gol urishga muvaffaq bo‘ldi.