"Барселона" марказий ҳимоячиси Андреас Кристенсен жамоадан кетишни истамаяпти.
30 ёшли футболчи "кўк-анорранглилар"нинг муддати тугаб бораётган шартномани узайтириш бўйича биринчи таклифини рад этган эди, бироқ ҳозирда янги музокаралар олиб борилмоқда — томонлар 2028 йилгача мўлжалланган келишувни муҳокама қилишяпти.
Mundo Deportivo нашри берган маълумотларга кўра, бошқа клублар даниялик футболчига молиявий жиҳатдан анча манфаатлироқ шартлар таклиф қилишмоқда, лекин ўйинчининг устувор мақсади ўзгармаган — у қолишни афзал кўради.
Андреас Кристенсен жароҳатлар туфайли мавсумнинг катта қисмини ўтказиб юборди. Тажрибали ҳимоячи жорий мавсумда 17 та ўйинда майдонга тушиб, битта гол уришга муваффақ бўлди.
