Angliya terma jamoasining sobiq sardori Devid Bekxem boyligi 1 milliard funt sterlinglik dovondan oshgan birinchi britaniyalik sportchiga aylandi. Bu haqda «Sunday Times» nashri xabar bermoqda.
Bekxem va uning rafiqasining umumiy boyligi 1,185 milliard funt (1,36 milliard yevro) deb baholanmoqda. Sport dunyosi vakillari orasida ushbu oila faqat «Formula-1» sobiq rahbari Berni Ekklstoun oilasidan (taxminan 2 milliard funt) keyin ikkinchi o‘rinni egallab turibdi.
Futbolchilik faoliyatini yakunlaganidan so‘ng, Bekxem biznes loyihalarini faol rivojlantirdi. Hozirgi vaqtda u MLSning eng qimmat franshizasi hisoblangan va 1 milliard funtdan ziyodga baholanadigan «Inter Mayami» klubining hammuassisidir. Bundan tashqari, sobiq futbolchi Adidas va Hugo Boss kabi yirik jahon brendlari bilan hamkorlik qilib kelmoqda. Oilaviy kapitalning salmoqli qismi ilgari «Spice Girls» guruhi ishtirokchisi sifatida mashhur bo‘lgan Viktoriya Bekxemning moda brendi bilan ham bog‘liq.
