Madridning «Real» klubi yarim himoyachisi Orelyen Tchuameni «Manchester Yunayted»ning qiziqishlar doirasiga tushib qoldi. Bu haqda Roundtable nashri xabar bermoqda.
Manbaning ma’lum qilishicha, «qizil iblislar» fransiyalik futbolchini yozgi transfer oynasida o‘z saflariga qo‘shilishga ko‘ndirishga harakat qilmoqda. Ta’kidlanishicha, «Real» Tchuamenini qo‘yib yuborishga tayyor, biroq buning uchun futbolchining o‘zi klubdan ketishni so‘rashi kerak bo‘ladi. Eslatib o‘tamiz, avvalroq Tchuameni va uning jamoadoshi Federiko Valverde o‘rtasida nizo kelib chiqqan edi.
Joriy mavsumda 26 yoshli xavbek barcha turnirlarda 48 ta uchrashuvda maydonga tushib, o‘z hisobiga 2 ta gol va 2 ta golli uzatmani yozdirib qo‘ydi. Transfermarkt portali mutaxassislari Tchuamenining transfer bahosini 75 million yevroga baholamoqda.
