Angliya chempionatida 37-tur bahslari boshlandi va unda «Aston Villa» o‘z maydonida «Liverpul»ni 4:2 hisobida mag‘lub etdi. Birmingem klubi ustozi uchun bu murabbiylik faoliyatidagi (u boshqargan barcha klublar va barcha musobaqalardagi o‘yinlarni hisobga olganda) 600-g‘alaba bo‘ldi.
Ushbu g‘alabalarning 107 tasi «Aston Villa» bilan birgalikda qo‘lga kiritilgan bo‘lib, bu mutaxassisning bitta klubdagi shaxsiy rekordining takrorlanishidir. Emeri xuddi shuncha — 107 ta g‘alabani «Valensiya» klubi bilan ham qayd etgan edi.
Eslatib o‘tamiz, baskiyalik mutaxassis «Aston Villa»da 2022 yilning noyabr oyidan beri ishlab kelmoqda.
