«Barselona» yarim himoyachisi Mark Bernal hujumchi Robert Levandovskining tez orada klubni tark etishi haqida gapirdi. 37 yoshli polshalik futbolchi mavsum yakunida «ko‘k-anorranglilar» bilan xayrlashadi, bu haqda u shanba kuni ma’lum qilgan edi.

«Hammasi uchun rahmat, Robert. Sen kiyinish xonasida haqiqiy o‘rnak bo‘lding, sening sharofating bilan biz juda ko‘p yangi narsalarni o‘rgandik», — deb yozdi Bernal ijtimoiy tarmoqlardagi sahifasida.

Robert Levandovski 2022 yilning yozidan buyon «Barselona» sharafini himoya qilib kelmoqda — o‘shanda u «Bavariya»dan sotib olingan edi. La Liganing 37-turi doirasida bugun «Betis»ga qarshi bo‘lib o‘tadigan uchrashuv yulduz forvard uchun Kataloniya grandi futbolchisi sifatida «Kamp Nou»dagi so‘nggi o‘yin bo‘ladi.