«Барселона» ярим ҳимоячиси Марк Берналь ҳужумчи Роберт Левандовскининг тез орада клубни тарк этиши ҳақида гапирди. 37 ёшли польшалик футболчи мавсум якунида «кўк-анорранглилар» билан хайрлашади, бу ҳақда у шанба куни маълум қилган эди.
«Ҳаммаси учун раҳмат, Роберт. Сен кийиниш хонасида ҳақиқий ўрнак бўлдинг, сенинг шарофатинг билан биз жуда кўп янги нарсаларни ўргандик», — деб ёзди Берналь ижтимоий тармоқлардаги саҳифасида.
Роберт Левандовски 2022 йилнинг ёзидан буён «Барселона» шарафини ҳимоя қилиб келмоқда — ўшанда у «Бавария»дан сотиб олинган эди. Ла Лиганинг 37-тури доирасида бугун «Бетис»га қарши бўлиб ўтадиган учрашув юлдуз форвард учун Каталония гранди футболчиси сифатида «Камп Ноу»даги сўнгги ўйин бўлади.
