Portugaliya chempionatining 2025/26 yilgi mavsumida individual ko‘rsatkichlar bo‘yicha eng yaxshi futbolchilar aniqlandi.

Portugaliya chempionatining yakunlangan mavsumida «Sporting» hujumchisi Luis Suares 28 ta gol bilan eng yaxshi to‘purarga aylandi. U o‘z ta’qibchisi — «Benfika» a’zosi Evangelos Pavlidisni 5 ta to‘pga ortda qoldirdi.

Eng yaxshi assistent esa «Eshtoril» a’zosi Joau Karvalyu bo‘ldi. Yarim himoyachi 12 ta golli uzatmani amalga oshirib, «Sporting» futbolchisi Fransishku Trinkaudan (11 ta) bitta ko‘p natija qayd etdi.

Darvozabonlar o‘rtasida quruq o‘yinlar soni bo‘yicha «Portu» posboni Diogu Koshta peshqadamlik qildi — u 33 ta uchrashuvning 21 tasida o‘z darvozasi daxlsizligini saqlab qoldi.

Eslatib o‘tamiz, «Portu» o‘z tarixida 31-bor Portugaliya chempionligini qo‘lga kiritdi.