Португалия чемпионатининг 2025/26 йилги мавсумида индивидуал кўрсаткичлар бўйича энг яхши футболчилар аниқланди.
Португалия чемпионатининг якунланган мавсумида «Спортинг» ҳужумчиси Луис Суарес 28 та гол билан энг яхши тўпурарга айланди. У ўз таъқибчиси — «Бенфика» аъзоси Эвангелос Павлидисни 5 та тўпга ортда қолдирди.
Энг яхши ассистент эса «Эшторил» аъзоси Жоау Карвалью бўлди. Ярим ҳимоячи 12 та голли узатмани амалга ошириб, «Спортинг» футболчиси Франсишку Тринкаудан (11 та) битта кўп натижа қайд этди.
Дарвозабонлар ўртасида қуруқ ўйинлар сони бўйича «Порту» посбони Диогу Кошта пешқадамлик қилди — у 33 та учрашувнинг 21 тасида ўз дарвозаси дахлсизлигини сақлаб қолди.
Эслатиб ўтамиз, «Порту» ўз тарихида 31-бор Португалия чемпионлигини қўлга киритди.
