Italiya A Seriyasining 37-turi doirasida Antonio Konte shogirdlari navbatdagi muhim g‘alabani qo‘lga kiritishdi. "Napoli" klubi safarda "Piza" mehmoni bo‘lib, raqiblarini 3:0 hisobida mag‘lubiyatga uchratdi.

"Arena Garibaldi" stadionida kechgan uchrashuv to‘liq neapolitanliklarning ustunligida o‘tdi. Mehmonlar tarkibida gollarni shotlandiyalik yarim himoyachi Skott Maktominay, himoyachi Amir Rraxmani hamda hujumchi Rasmus Xyoylund raqib darvozasiga joylab qo‘yishdi.

«PIZA» — «NAPOLI» — 0:3

Gollar: Skott Maktominay 21 (0:1), Amir Rraxmani 27 (0:2), Rasmus Xyoylund 90 (0:3).

«Piza»: Shemper, Kanestrelli, Karachcholo, Kalabrezi (Ture, 70), Angori, Akinsanmiro (Pichchinini, 61), Xeyxolt, Ebisher, Leris (Kuadrado, 70), Moreo (Vural, 71), Stoilkovich (Meyster, 60).

«Napoli»: Meret, Buondjorno (Olivera, 59), Rraxmani, Bekema, Spinassola (Gutyerres, 79), Lobotka, Maktominay, Di Lorenso (Massokki, 88), Santos (Vergara, 80), Xyoylund, Elmas (De Breyne, 59).

Ogohlantirishlar: Kalabrezi (53), Karachcholo (78) — Elmas (53), Santos (78).