"Bornmut" bosh murabbiyi Andoni Iraola Germaniya klubini boshqarishi mumkin. Bu haqda talkSPORT nashri xabar bermoqda.
Manba bergan ma’lumotlarga ko‘ra, Leverkuzenning "Bayer" klubi Iraolaning xizmatlariga qiziqish bildirmoqda. Biroq Germaniya jamoasi murabbiy uchun kechadigan kurashda "Kristal Pelas"ni mag‘lub etishiga to‘g‘ri keladi. Bundan avvalroq "burgutlar" ispaniyalik mutaxassis bilan shartnoma imzolashga yaqin turgani xabar qilingan edi.
Iraola 2023 yilning yozidan beri "Bornmut"ni boshqarib kelmoqda. Joriy mavsumda jamoa Angliya Premyer-ligasi turnir jadvalida 55 ochko jamg‘argan holda, oltinchi o‘rinni egallab turibdi. Qayd etish lozimki, ushbu pozisiya jamoaga Yevropa ligasi yo‘llanmasini taqdim etadi.
