«PSJ» bosh murabbiyi Luis Enrike 2025/2026 yilgi mavsumda «Parij» klubidan qabul qilib olingan ikkita mag‘lubiyat haqidagi savolga javob berishni istamadi. Ayol muxbir ushbu savolni bermoqchi bo‘lganida, ispaniyalik mutaxassis uning gapini bo‘ldi va e’tibor uchun minnatdorchilik bildirib, zalni tark etdi.

Bundan oldinroq, Liga 1 ning 38-turi doirasida bo‘lib o‘tgan poytaxt derbisida «PSJ» «Parij»ga 1:2 hisobida imkoniyatni boy bergan edi. Hal qiluvchi gol hakam tomonidan qo‘shib berilgan vaqtda kiritildi.

30 may kuni «PSJ» Budapeshtda bo‘lib o‘tadigan Chempionlar ligasi finalida Londonning «Arsenal» klubiga qarshi maydonga tushadi.