«Manchester Yunayted» hujumchisi Brayan Mbeumo klubdagi debyut mavsumidan olgan taassurotlari bilan o‘rtoqlashdi. Yakshanba kuni «qizil iblislar» mavsumning o‘z maydonidagi so‘nggi uchrashuvida «Nottingem Forest»ni mag‘lub etishdi (3:2). Kamerunlik futbolchi 76-daqiqada gol urib, jamoasiga g‘alaba keltirgan to‘p muallifiga aylandi.

«Old Trafford»dagi birinchi mavsum shunchaki ajoyib o‘tdi! Ko‘plab ko‘tarilishlar va pasayshlar bo‘ldi, ammo maqsad doimo o‘zgarishsiz qoldi — biz barcha futbolchilar, xodimlar va muxlislarning umumiy harakati bilan unga erishdik. Sizlarning barchangiz bilan tanishganimdan juda xursandman va bu hali hammasi emas, bu faqat boshlanishi! Keyingi mavsumda ko‘rishguncha», — deb yozdi ijtimoiy tarmoqlardagi sahifasida 26 yoshli futbolchi.

Brayan Mbeumo o‘tgan yilning iyul oyida «Brentford»dan 75 million yevro evaziga «Manchester Yunayted»ga o‘tgan edi. Futbolchi mankunianliklar safida 33 ta uchrashuvda maydonga tushib, o‘z hisobiga 11 ta gol va 3 ta golli uzatmani yozdirib qo‘ydi.