«Манчестер Юнайтед» ҳужумчиси Брайан Мбеумо клубдаги дебют мавсумидан олган таассуротлари билан ўртоқлашди. Якшанба куни «қизил иблислар» мавсумнинг ўз майдонидаги сўнгги учрашувида «Ноттингем Форест»ни мағлуб этишди (3:2). Камерунлик футболчи 76-дақиқада гол уриб, жамоасига ғалаба келтирган тўп муаллифига айланди.

«Олд Траффорд»даги биринчи мавсум шунчаки ажойиб ўтди! Кўплаб кўтарилишлар ва пасайшлар бўлди, аммо мақсад доимо ўзгаришсиз қолди — биз барча футболчилар, ходимлар ва мухлисларнинг умумий ҳаракати билан унга эришдик. Сизларнинг барчангиз билан танишганимдан жуда хурсандман ва бу ҳали ҳаммаси эмас, бу фақат бошланиши! Кейинги мавсумда кўришгунча», — деб ёзди ижтимоий тармоқлардаги саҳифасида 26 ёшли футболчи.

Брайан Мбеумо ўтган йилнинг июль ойида «Брентфорд»дан 75 миллион евро эвазига «Манчестер Юнайтед»га ўтган эди. Футболчи манкунианликлар сафида 33 та учрашувда майдонга тушиб, ўз ҳисобига 11 та гол ва 3 та голли узатмани ёздириб қўйди.