Angliyalik yarim himoyachi Rahim Sterlingning «Feyenoord»dagi kelajagi noma’lumligicha qolmoqda. Bu haqda fr12.nl xabar bermoqda.

Dastlab jamoa bosh murabbiyi Robin van Persi futbolchiga klub bilan xayrlashishi haqida xabar bergani aytilgan edi, biroq keyinchalik murabbiyning o‘zi bu ma’lumotni rad etdi. So‘ngra Sterlingga yangi shartnoma taklif qilingani haqida xabarlar tarqaldi, ammo endi klub bu ma’lumotlarni ham inkor etdi.

Bunday mavhumlik klubda bosh va texnik direktorlar yo‘qligi bilan bog‘liq. Van Persi matbuot anjumanida buni tasdiqladi: «Rahbariyat tayinlanguncha futbolchilar biroz kutishlari kerak. Shundan so‘ng biz muhokamalarni birgalikda davom ettiramiz».

Bu so‘zlar nafaqat Sterlingga, balki asosiy tarkibdagi o‘rnini yo‘qotgan qimmatbaho yangi futbolchi Gonsalu Borjesh kabi bir qator boshqa o‘yinchilarga ham tegishli. 31 yoshli Sterling joriy mavsumda 8 ta o‘yinda maydonga tushib, 1 ta golli uzatmani amalga oshirdi.