Fransiyaning «Marsel» klubi «Krasnodar» yarim himoyachisi va sardori Eduard Spersyanni sotib olishga qiziqish bildirmoqda. Bu haqda X ijtimoiy tarmog‘idagi Armenie Football kanali xabar bermoqda.

Manba bergan ma’lumotlarga ko‘ra, Spersyan «Marsel»ning yozgi transfer oynasi uchun qisqa ro‘yxatidan (short-list) joy olgan.

Joriy mavsumda 25 yoshli Eduard Spersyan «Krasnodar» safida 41 ta o‘yinda maydonga tushib, 14 ta gol urdi va 18 ta golli uzatmani amalga oshirdi. Transfermarkt portali armanistonlik futbolchini 25 million yevroga baholamoqda.