«Lans» Fransiya chempionatidagi o‘zi uchun juda muvaffaqiyatli kechgan mavsumni ko‘tarinki ruhda yakunladi. Klub safarda «Lion» darvozasiga javobsiz to‘rtta to‘p kiritib, raqibini tor-mor etdi.

Natijada, 34 ta o‘yinda «Lans» 70 ochko to‘pladi — bu har bir o‘yinga o‘rtacha 2,06 ochkodan to‘g‘ri keladi. Bu klub tarixidagi ikkinchi eng yaxshi natijadir. Faqatgina 2022/2023 yilgi mavsumda «Lans» bundan ham ko‘proq ochko jamg‘argan edi — har o‘yinda o‘rtacha 2,21 ochko. O‘shanda jamoaga «PSJ»ni taxtdan tushirish uchun atigi ikki ochko yetmay qolgandi.

Klub tarixidagi uchinchi eng yaxshi ko‘rsatkich 1997/1998 yilgi mavsumda qayd etilgan bo‘lib, o‘shanda «Lans» har bir o‘yinda o‘rtacha roppa-rosa ikki ochkodan jamg‘argan.