«Ланс» Франция чемпионатидаги ўзи учун жуда муваффақиятли кечган мавсумни кўтаринки руҳда якунлади. Клуб сафарда «Лион» дарвозасига жавобсиз тўртта тўп киритиб, рақибини тор-мор этди.

Натижада, 34 та ўйинда «Ланс» 70 очко тўплади — бу ҳар бир ўйинга ўртача 2,06 очкодан тўғри келади. Бу клуб тарихидаги иккинчи энг яхши натижадир. Фақатгина 2022/2023 йилги мавсумда «Ланс» бундан ҳам кўпроқ очко жамғарган эди — ҳар ўйинда ўртача 2,21 очко. Ўшанда жамоага «ПСЖ»ни тахтдан тушириш учун атиги икки очко етмай қолганди.

Клуб тарихидаги учинчи энг яхши кўрсаткич 1997/1998 йилги мавсумда қайд этилган бўлиб, ўшанда «Ланс» ҳар бир ўйинда ўртача роппа-роса икки очкодан жамғарган.