Massimiliano Allegri 2025/2026 yilgi mavsum yakunlanganidan keyin ham «Milan» bosh murabbiyi sifatida faoliyatini davom ettirishga tayyor. Biroq, La Gazzetta dello Sport xabariga ko‘ra, 58 yoshli mutaxassis klub rahbariyati oldiga ikkita qat’iy talab qo‘ygan.

Ichki nizolarga chek qo‘yish: Mavsum davomida murabbiyning obro‘siga putur yetkazgan klub ichidagi kelishmovchiliklarni to‘xtatish.

Transferlar uchun mablag‘: Tarkibni kuchaytirish uchun transfer bozorida jiddiy investisiyalar kiritilishini ta’minlash.

Agar «Milan» mavsumning so‘nggi haftasida Chempionlar ligasiga yo‘llanmani naqd qilsa, Allegrining shartnomasidagi maxsus band ishga tushadi. Unga ko‘ra, kelishuv avtomatik ravishda 2028 yilning iyunigacha uzaytiriladi. Bunda murabbiyning yillik maoshi taxminan 6 million yevroni tashkil qiladi.

Hozirda «Milan» Italiya A Seriyasining so‘nggi turi oldidan 70 ochko bilan turnir jadvalida 3-o‘rinda bormoqda.