Массимилиано Аллегри 2025/2026 йилги мавсум якунланганидан кейин ҳам «Милан» бош мураббийи сифатида фаолиятини давом эттиришга тайёр. Бироқ, La Gazzetta dello Sport хабарига кўра, 58 ёшли мутахассис клуб раҳбарияти олдига иккита қатъий талаб қўйган.

Ички низоларга чек қўйиш: Мавсум давомида мураббийнинг обрўсига путур етказган клуб ичидаги келишмовчиликларни тўхтатиш.

Трансферлар учун маблағ: Таркибни кучайтириш учун трансфер бозорида жиддий инвестициялар киритилишини таъминлаш.

Агар «Милан» мавсумнинг сўнгги ҳафтасида Чемпионлар лигасига йўлланмани нақд қилса, Аллегрининг шартномасидаги махсус банд ишга тушади. Унга кўра, келишув автоматик равишда 2028 йилнинг июнигача узайтирилади. Бунда мураббийнинг йиллик маоши тахминан 6 миллион еврони ташкил қилади.

Ҳозирда «Милан» Италия А Сериясининг сўнгги тури олдидан 70 очко билан турнир жадвалида 3-ўринда бормоқда.