«Manchester Siti» bosh murabbiyi Pep Gvardiola futbolchilarga yakshanba kuni bo‘lib o‘tadigan «Aston Villa»ga qarshi o‘yindan so‘ng klubni tark etishini ma’lum qildi.

The Sun nashri bergan ma’lumotga ko‘ra, 55 yoshli ispaniyalik mutaxassis ketishi haqidagi xabar bugun bo‘lib o‘tadigan «Bornmut» bilan o‘yin arafasida OAVga sizib chiqqanidan so‘ng juda qattiq g‘azablangan.

Kecha oqshomda Gvardiola futbolchilar bilan bog‘lanib, «Siti»dan ketishini tasdiqladi.

«Pep bu ma’lumot aynan hozir — o‘yin oldidan chiqib ketgani uchun g‘azabda. U kechqurun futbolchilar bilan guruhli qo‘ng‘iroq tashkil qilib, ketishini tasdiqladi.

U yangiliklar bunday tarzda tarqalgani uchun uzr so‘radi. Bu uning uchun ham kutilmagan holat bo‘ldi. Shanba kuni futbolchilarga uning ketmasligi aytilgan edi, shu sababli hozir hamma shok holatida», — dedi manba.