«Манчестер Сити» бош мураббийи Пеп Гвардиола футболчиларга якшанба куни бўлиб ўтадиган «Астон Вилла»га қарши ўйиндан сўнг клубни тарк этишини маълум қилди.

The Sun нашри берган маълумотга кўра, 55 ёшли испаниялик мутахассис кетиши ҳақидаги хабар бугун бўлиб ўтадиган «Борнмут» билан ўйин арафасида ОАВга сизиб чиққанидан сўнг жуда қаттиқ ғазабланган.

Кеча оқшомда Гвардиола футболчилар билан боғланиб, «Сити»дан кетишини тасдиқлади.

«Пеп бу маълумот айнан ҳозир — ўйин олдидан чиқиб кетгани учун ғазабда. У кечқурун футболчилар билан гуруҳли қўнғироқ ташкил қилиб, кетишини тасдиқлади.

У янгиликлар бундай тарзда тарқалгани учун узр сўради. Бу унинг учун ҳам кутилмаган ҳолат бўлди. Шанба куни футболчиларга унинг кетмаслиги айтилган эди, шу сабабли ҳозир ҳамма шок ҳолатида», — деди манба.