Yaqinda «Liverpul» qanot hujumchisi Muhammad Saloh bayonot bilan chiqib, raqiblar qo‘rqishi uchun o‘z jamoasini hujumkor uslubni qaytarishga chaqirgan edi. O‘tmishning mashhur futbolchisi Patrik Viyeyra misrlik yulduzning ushbu so‘zlariga munosabat bildirdi.
«Liverpul» Salohni o‘tgan yiliyoq qo‘yib yuborishi kerak edi. Uning jamoadan ketishi bir yilga kechikdi. Hozir bunday bayonotlar berishning ayni vaqti emas. Men uning xafa bo‘lganini tushunaman, lekin bu beldan pastga berilgan zarba bo‘ldi va to‘g‘risi, undan hafsalam pir bo‘ldi», — deya ekspertning so‘zlaridan iqtibos keltirmoqda Sky Sports.
Eslatib o‘tamiz, 33 yoshli Saloh mavsum yakunlanganidan keyin mersisaydliklar lagerini tark etadi. Angliya chempionati tugashiga bir tur qolganda «qizillar» 59 ochko jamg‘argan holda turnir jadvalida beshinchi o‘rinni egallab turishibdi.
