Яқинда «Ливерпуль» қанот ҳужумчиси Муҳаммад Салоҳ баёнот билан чиқиб, рақиблар қўрқиши учун ўз жамоасини ҳужумкор услубни қайтаришга чақирган эди. Ўтмишнинг машҳур футболчиси Патрик Виейра мисрлик юлдузнинг ушбу сўзларига муносабат билдирди.
«Ливерпуль» Салоҳни ўтган йилиёқ қўйиб юбориши керак эди. Унинг жамоадан кетиши бир йилга кечикди. Ҳозир бундай баёнотлар беришнинг айни вақти эмас. Мен унинг хафа бўлганини тушунаман, лекин бу белдан пастга берилган зарба бўлди ва тўғриси, ундан ҳафсалам пир бўлди», — дея экспертнинг сўзларидан иқтибос келтирмоқда Sky Sports.
Эслатиб ўтамиз, 33 ёшли Салоҳ мавсум якунланганидан кейин мерсисайдликлар лагерини тарк этади. Англия чемпионати тугашига бир тур қолганда «қизиллар» 59 очко жамғарган ҳолда турнир жадвалида бешинчи ўринни эгаллаб туришибди.
