O‘zbekiston kubogi 3-turidan o‘rin olgan “So‘g‘diyona – Olimpik-Mobiuz” uchrashuvidan so‘ng mezbonlar bosh murabbiyi Ulug‘bek Baqoyev matbuot anjumanida ishtirok etdi.
“To‘g‘risi, boshida psixologik tomondan o‘ynash osonroq bo‘ldi, chunki vazifani bajargan va keyingi bosqichga chiqib bo‘lgan edik. Shu sababli juda ko‘p yigitlarga o‘ynash imkoniyatini berdik, ularning salohiyatini tekshirib ko‘rdik. Birinchi taymda ko‘plab vaziyatlarga ega bo‘ldik, lekin gol urolmadik. Ikkinchi taymda esa... oxirigacha bosim qilib, 3:1 hisobida g‘alaba qozondik. Yigitlarga g‘alaba uchun rahmat aytmoqchiman va endi ikkinchi davraga tayyorgarlik ko‘ramiz”, - dedi Baqoyev.
