«Atletiko» Mark Kukurelyani sotib olishga qiziqish bildirmoqda.
«Chelsi» himoyachisi madridliklarning mudofaa chizig‘ini kuchaytirish yo‘lidagi asosiy transfer nishoniga aylandi. Shuningdek, Ispaniya klubi markaziy himoyachi ham sotib olmoqchi, biroq bu ish ikkinchi darajali reja sifatida (mablag‘ ortsagina) amalga oshiriladi. Chunki Kukurelyaning transferi uchun anchagina yirik summa sarflanishiga to‘g‘ri keladi.
Markning Angliyadagi besh mavsumdan so‘ng yana Ispaniyaga qaytish istagi borligi «Atletiko»ga ushbu kelishuvni muvaffaqiyatli yakunlash borasida umid bag‘ishlamoqda. Biroq, bu yerda ikkita muhim omil mavjud: birinchidan, 27 yoshli futbolchiga «Barselona» ham da’vogarlik qilmoqda, ikkinchidan esa bo‘lajak JCH-2026 musobaqasidan so‘ng uning transfer narxi yanada ko‘tarilib ketishi mumkin. Bundan tashqari, Xabi Alonsoning «Chelsi» bosh murabbiyligiga kelishi ham vaziyatning o‘zgarishiga ta’sir ko‘rsatishi kutilmoqda.
