Londonning «Chelsi» klubi yulduz xavbeki Koul Palmer ispaniyalik mutaxassis Xabi Alonsoning jamoa bosh murabbiyi etib tayinlanganiga munosabat bildirdi.
«Klubda barcha juda hayajonda. Xabi Alonso — bu top-murabbiy. Uning qo‘l ostida ish boshlashni intizorlik bilan kutyapmiz», — deya yarim himoyachining so‘zlaridan iqtibos keltiradi insayder Fabrisio Romano o‘zining ijtimoiy tarmoqlardagi sahifasida.
Eslatib o‘tamiz, 44 yoshli mutaxassisning bundan oldingi ish joyi Madridning «Real» klubi bo‘lgan edi. Alonso «qirollik» klubini yanvar oyi o‘rtalarida tark etgan. Angliya Premyer-ligasining yakuniy turi oldidan «aristokratlar» 52 ochko jamg‘argan holda turnir jadvalida sakkizinchi satrni egallab turishibdi.
