Лондоннинг «Челси» клуби юлдуз хавбеки Коул Палмер испаниялик мутахассис Хаби Алонсонинг жамоа бош мураббийи этиб тайинланганига муносабат билдирди.
«Клубда барча жуда ҳаяжонда. Хаби Алонсо — бу топ-мураббий. Унинг қўл остида иш бошлашни интизорлик билан кутяпмиз», — дея ярим ҳимоячининг сўзларидан иқтибос келтиради инсайдер Фабрицио Романо ўзининг ижтимоий тармоқлардаги саҳифасида.
Эслатиб ўтамиз, 44 ёшли мутахассиснинг бундан олдинги иш жойи Мадриднинг «Реал» клуби бўлган эди. Алонсо «қироллик» клубини январь ойи ўрталарида тарк этган. Англия Премьер-лигасининг якуний тури олдидан «аристократлар» 52 очко жамғарган ҳолда турнир жадвалида саккизинчи сатрни эгаллаб туришибди.
