«Barselona» xavbeki Gavi jamoaning Chempionlar Ligasidagi omadsizliklari haqidagi savolga javob berdi. Kataloniya grandi eng nufuzli yevrokubokda 2015 yildan buyon g‘olib chiqa olmayapti. Joriy mavsumdagi musobaqada «ko‘k-anorranglilar» 1/4 finalda Madridning «Atletiko» klubiga imkoniyatni boy berishdi.
«Chempionlar Ligasida ko‘p narsa mayda detallarga bog‘liq va tajriba, o‘z-o‘zidan, juda muhim ahamiyatga ega. Bizning jamoamiz yosh. Misol uchun, men hali atigi 21 yoshdaman, lekin ikki marta La Ligada g‘olib chiqdim. Shunga qaramay, o‘z ustimda ishlashim kerak bo‘lgan jihatlar borligi aniq va jamoadoshlarim haqida ham shunday deyish mumkin — ular ham juda yosh. Biz o‘sishda davom etamiz — bu albatta o‘z natijasini beradi», — dedi Gavi Mundo Deportivo nashriga bergan intervyusida.
30 may kuni Chempionlar Ligasining final uchrashuvi bo‘lib o‘tadi va unda «Arsenal» hamda «PSJ» jamoalari o‘zaro to‘qnash kelishadi.
