«Барселона» хавбеки Гави жамоанинг Чемпионлар Лигасидаги омадсизликлари ҳақидаги саволга жавоб берди. Каталония гранди энг нуфузли еврокубокда 2015 йилдан буён ғолиб чиқа олмаяпти. Жорий мавсумдаги мусобақада «кўк-анорранглилар» 1/4 финалда Мадриднинг «Атлетико» клубига имкониятни бой беришди.
«Чемпионлар Лигасида кўп нарса майда деталларга боғлиқ ва тажриба, ўз-ўзидан, жуда муҳим аҳамиятга эга. Бизнинг жамоамиз ёш. Мисол учун, мен ҳали атиги 21 ёшдаман, лекин икки марта Ла Лигада ғолиб чиқдим. Шунга қарамай, ўз устимда ишлашим керак бўлган жиҳатлар борлиги аниқ ва жамоадошларим ҳақида ҳам шундай дейиш мумкин — улар ҳам жуда ёш. Биз ўсишда давом этамиз — бу албатта ўз натижасини беради», — деди Гави Mundo Deportivo нашрига берган интервьюсида.
30 май куни Чемпионлар Лигасининг финал учрашуви бўлиб ўтади ва унда «Арсенал» ҳамда «ПСЖ» жамоалари ўзаро тўқнаш келишади.
